ساعة عصرية ..الحلقة السادسة والعشرين

ساعة عصرية 

حكاوي بالعامية 

الحلقة السادسة والعشرون 

وبنقول صباح الخير للجميع اهلا بكم وسهلا ، تحية من أرض العامرية حفظ الله أهلها .

فبظلم من الذين هادوا حرمنا عليهم طيبات أحلت لهم .

وما كنا مغيرين ما بقوم حتي يغيروا ما بأنفسهم .

وكان من دعاء النبي صلوات الله عليه وسلامه 

اللهم لا تسلط علينا بذنوبنا من لا يخافك فينا ولا يرحمنا .

فاقترفنا من الذنوب ما نستحق به أن يسلط الله علينا من لا يخافه فينا ولا يرحمنا .

الناس مفكرة إن الموضوع مجرد سياسة واقتصاد وخطط وخلاص ، مننكرش إن دي اسباب مادية لكن الموضوع اكبر من كدة ، الأمة وصلت لمرحلة من الذنوب والمعاصي محدش وصله قبل كدة ، تسلط الأعداء علينا في كل بقعة من بقاع الأرض ، تدهور أحوالنا في كل شىء ، تفكر في الأمر بص بعينك كدة وشوف وفكر في اللي بيحصل ، احنا وصلنا لكدة ازاي ، الغزو الفكري اللي حصل لنا وغسيل العقول ، سيطرتهم علي قلوبنا وعقولنا أنت مفكر أن الموضوع بسيط ، هوة أنا بعمل ايه لا مش بتعمل ، اصبحنا بنشوف الذنوب والمنكرات مجرد اشياء عادية ، حرية شخصية وحرية فكرية ونوع من أنواع الروشنة والحداثة والتقدم الثقافي ،لا لا لا انت فاهم غلط انت ليك منهج ربنا اللي خلقك وخلق الكون ده انزل المنهج ده عشان انت تعيش وفقه ، لانه فيه صلاحك وفلاحك احيانا ممكن نبعد عن المنهج لعيب فينا احنا مش في المنهج وده مش معنا أننا ننكر المنهج ونقول إن هوة غلط ، لا احنا غلط المنهج صح ، زمان في بداية دراستنا العقيدة الشيخ ضرب لنا مثل او سؤال وطلب مننا الحل ، السؤال كان ايه يا سيدي السؤال إن كان في ثلاثة أصحاب واحد منهم سافر لدولة أجنبية غير مسلمة ، وعاش حياته المهم رجع واتقابل مع أصحابه فحكي ليهم اللي حصل وأنه حاسس أنه عمل ذنب كبير فواحد منهم أنكر عليه واعترض علي فعله ونبهه أنه لازم من التوبة ، والتاني قال يا ريتنا زي الغرب عندنا الحرية اللي عندهم كان الواحد عاش حياته ، كان السؤال ايه حكم الثلاثة ، طبعا كانت إجابة الشيخ أن الاول مسلم عاصي لانه عمل اللي عمله ومعترف أن ده ذنب وأنه لازم يتوب ، وحكم الثاني مسلم طائع ،اما الثالث رغم أنه معملش حاجة لكنه استحل الفعل وتمني أنه يكون زيهم فهو بكدة أصبح خارج من الملة ،طبعا في ناس حتقول ده ظلم 

لكن لو تدبرت الموضوع وفكرت حتعرف أن ده عدل ، نرجع تاني للحالة اللي فيها الناس كله بيشتكي وكله بيتألم وأوضعنا أصبحت صعبة ، والكل بيفكر في الحلول المادية وده أمر طبيعي وهوة اول حاجة تتبادر إلي الذهن ، لكن كلنا صاحب معصية وصاحب ذنب ، وكلنا ظالم لنفسه أو لغيره ، وما نزل بلاء إلا بذنب وما رفع إلا بتوبة ، طيب يا عم هوة أنا بعمل حاجة دي في ناس بتعمل وبتسوي و..و ..أيوة أيوة صح في ناس كدة وده مش معناه اني كويس مممكن اعمل معاصي أقل واخد ذنوب اكتر ثم أنا مالي ومال اللي بيعمل كدة خليك في نفسك ، يا جماعة الموضوع كبير محتاج وقفة شديدة مع النفس ، تغيير الرؤية وتغيير المفاهيم ، محتاج إصلاح فكري وإصلاح عقدي ، نهضة ثقافية وفكرية ، إعادة بعث حضارتنا من جديد .

دمت بخير وسعادة