غباشي النتن

ساعة عصرية 
حكاوي بالعامية 
غباشي النتن 
صباح الخير ..مساء الخير ...علي حسب ما يوصلك الكلام ، اهلا بيكم في ساعة عصرية .
غباشي النتن شخصية قدمها الفنان المنتصر بالله في مسلسل شارع الموردى قصة محمد جلال وإخراج إسماعيل عبد الحافظ ، طبعا في جيل كامل محضرش المسلسل ده ولا يعرف عنه حاجة ، بداية عرض المسلسل ٢٧ مارس سنة ١٩٩٠ ، يعني اللي اتولد في السنة دي عنده دلوقت ٣٤ سنة .
اهلا وسهلا ...في شخصيات بتظهر في حياتنا أقل وصف ليه إنه يتقال عليه نتن ، شخصية كدة وضيعة بكل المقاييس متعرفش عايش ازاي وازاي هوة قابل نفسه اصلا ، بتفرض علينا الظروف التعامل مع شخصيات كدة ، ممكن في الشغل أو الدراسة أو جار المشكلة بقي في أهله واخواته حيتعاملوا معاه ازاي ، لما يكون جارك أو زميلك ممكن تتجنبه ، لكن لما يبقي اخوك دي بلوة .
غباشي النتن معايا في الشغل وللأسف مجبر أن إحنا نقعد في وش بعض من الفجر للمغرب ، تخيل بقي الموقف ده ، شخصية غباشي النتن أبدع في تقديمها المنتصر بالله والاستاذ محمد جلال كتبها والاستاذ إسماعيل عبد الحافظ رسمها ، يعني بجد مش عارف اوصف لكن وانا عايز أكتب عن الشخصية اللي معايا في الشغل افتكرت غباشي النتن فكان أدق وصف ليه ...ماشي يا غباشي .
قسموا العقول كل واحد عجبوا عقله وقسموا الأرزاق محدش عجبوا رزقه ...دي حقيقة مشاهدة كلنا شايفنها وحسينها ، كل واحد بيبقي معجب اوي برأيه وشايف نفسه اعقل واحد في الدنيا دي ، ولو الناس مشيت برأيه حترتاح والدنيا حتبقي حلوة ، الموضوع ده بيسبب مشاكل كتير جدا لانه صاحب النظرية دي بيبقي متمسك برأيه وشايف أنه صح ولازم رأيه يمشي ، وإن كلامه لو ممشيش يبقي كده ظلم للبشرية اللي حتغرق لو مسمعتش كلامه ، مش عارف اقول ايه مفيش تعليق .
المعلا قانون ...شخصية تانية قدمها نبيل الحلفاوي في مسلسل غوايش اللي اتعرض في ٩ مايو ١٩٨٦ اخراج محمد شاكر وتأليف محمد جلال ...الام اللي هبة عوالي زوزو نبيل نفخت في اللمعلا لحد ما بقي هوة قانون حياتهم ، كلامه دستور ولا يجوز مخالفته ، هوة نفسه كان مصدق نفسه وبيحاول يسيطر علي كل حاجة ، ده برضوا مثل لناس في حياتنا ، اللي مع الخضوع ليه ديما وعدم رفض أي كلام ليه وأنه بيلاقي اللي ينفخ فيه لحد لما يكبروه بيصدق أنه يقدر علي كل حاجة وأنه ليه حق علي كل الناس وإن كلامه لازم يمشي ، وده بيؤدي لظهور شخصيات حاقدة ومغلولة زي شخصية مجاور اللي قدمها احمد راتب ...كلام المعلا قانون يا ولدي ...
صباح الخير خلينا خفيف خفيف كدة عشان ما يبقاش الكلام تقيل ...صباحووووز سكر 

تعليقات

إرسال تعليق

المشاركات الشائعة من هذه المدونة

حكاية شاعر

صورة
حكاية شاعر  بقلم : محمد فتحى شعبان        أهلا بكم ومع حكاية جديدة ...حكاية شاعر  الشعر ديوان العرب مقولة قالها ابن عباس رضي الله عنه عن الشعر الجاهلي و رددها النقاد بعده فالشعر هو سجل تاريخ وثقافة العرب، فهو يمثل مرآة تعكس حياتهم، وقيمهم، وعاداتهم، وأحلامهم، وآلامهم. كما ينقل المعرفة، والحكمة، والتراث من جيل إلى جيل .       يقول ابن قتيبة ( الشعر معدن علم العرب ، وسفر حكمتها وديوان اخبارها ، ومستودع أيامها ) ...الشعر له مكانة كبيرة في حياة العرب وقد ورد في الأثر ( لا تترك العرب الشعر حتي تترك الإبل الحنين ) ، كما ورد عن عمر رضي الله عنه ( من افضل ما أوتيت العرب الشعر ، يقدمه الرجل أمام حاجته فيستمطر به الكريم و يستنزل به اللئيم) ، أما ما هو أعظم من ذلك فهو ما ورد في صحيح البخاري عن أبي بن كعب عن النبي صلي الله عليه وسلم ( إن من الشعر حكمة ) ...      نعود إلي شاعرنا و هو أحد شعراء العصر العباسي ، و هو من طبقة بشار والمتنبي ، تعرض لحوادث كثيرة في حياته ، فكان أحد البؤساء ، عاصر ثمانية من الخلفاء العباسيين لكنه لم ذا حظ معهم ، فك...
قراءة المزيد

سيرة ذاتية

سيرة ذاتية  السلام عليكم ورحمة الله وبركاته  أسمي محمد فتحي شعبان ، من مواليد مدينة الإسكندرية بمصر ، الاب فتحي شعبان مصطفي شعبان القشاط مواليد الأسكندرية ، والام سهير خميس علي فرج مواليد الأسكندرية أيضا . مواليد الأسكندرية عام ١٩٧٦ في ٣٠ سبتمر ، تلقيت بدايات تعليمي في حضانة الشؤون بمنطقة الدخيلة ، ثم التحقت بالمدرسة الابتدائية ( حافظ إبراهيم ) ، ثم انتقلنا إلي مدينة العامرية غرب الإسكندرية واكملت هناك تعليمي الإعدادية والثانوية ، التحقت بالمعهد الفني التجاري تخصص تمويل واستثمار ثم التحقت بكلية التجارة تخصص إدارة أعمال ( جامعة الإسكندرية ) ، عملت بعدة وظائف لكني حاليا اعمل محاسب بسوق الجملة للخضار والفاكهة . متزوج من السيدة : فاطمة فرغلي محمود  أنجبت اربع أبناء وبنت واحدة  محمد اكبرهم ثم هناء ثم سفيان ويليه سيف الله وآخرهم سهيل . لي ثلاث اصدارات  مشاهد عابرة ....حكايا رجل مبعثر ...حالات نفسية ، ولي مشاركات بالعديد من المجلات والجرائد الإلكترونية و الورقية ، كما أني نائب مدير مكتب الأسكندرية لجريدة ديلي جراف نيوز عربية ...
قراءة المزيد

حكاية شاعر ..علي الجارم

حكاية شاعر  تقديم : محمد فتحى شعبان  أسعد الله حياة الجميع  نلتقي مع شاعر و اديب وكاتب مصري ، ورائد من رواد مدرسة الاحياء والبعث في الشعر ، ولد في مدينة اشتهرت بمقاومة الاحتلال الإنجليزي لمصر ( حملة فريزر ) ، عام ١٨٨١ كان ميلاده في مدينة رشيد وفي عام ١٩٤٩ كانت وفاته ، وكان والده شيخ من شيخ الازهر الشريف . إنه الشاعر علي صالح عبد الفتاح الجارم ،تلقي تعليمه الأساسي في رشيد ثم انتقل إلي القاهرة في مرحلة التعليم الثانوي ، وفي عام ١٩٠٨ سافر إلي إنجلترا ( نوتنجهام ) ودرس هناك أصول التربية ثم عاد إلي مصر ، وقد عين في منصب كبير مفتشي اللغة العربية ثم وميلا لدار العلوم ، كما أنه اختير عضوا في مجمع اللغة العربية . كان أغلب شعره في المناسبات الوطنية والقومية كما كتب في الغزل أيضا ... من مؤلفاته  ١/ الذين قتلهم الشعر  ٢/ فارس بني حمدان  ٣/ هاتف من الأندلس  ٤/ السهم المسموم  ٥/ الشاعر الطموح  ٦/ خاتمة المطاف  ٧/ الفارس الملثم  ٨ / سيدة القصور  ٩/ غادة رشيد  ١٠/ مرح الوليد  ولا بد لكل حي من الموت إلا الله الحي الذي لا يموت ، كان مو...
قراءة المزيد