ساعة عصرية حگاوي بالعامية
ساعة عصرية
حكاوي بالعامية
العجارة
صباح الخير أو مساء الخير ، المهم إنه خير إن شاء الله ، يمكن أنا ليا فترة طويلة مكتبتش حكاوي بالعامية ، لكن موضوع العجارة هو اللي خلاني أكتب ارجع لساعة عصرية تاني ، ايه هية العجارة دي بقي ، اقولك أنا يا سيدي هية مشتقة من العقارات وهية مختصة بالعقارات ، والموضوع ده مختص بالمجتمعات البدوية ، وشرحها إن بتبقي عائلة أو قبيلة من القبائل البدوية بيمتلكوا قطعة أرض كبيرة وبعد كدة بتتباع لفرد أو عدة أفراد من خارج القبيلة ، ولو اللي شاري ده عايز يبيعها فبيخدوا مبلغ مالي من الشاري بدون اي وجه حق غير أنهم كانوا أصحاب الأرض يعني إتاوة كدة ولو الفلوس مندفعتش بتقف البيعة ، وفي مشاكل كتير بتحصل بسبب الموضوع ده ، ومفيش حل ليه لحد الآن ، طبعا العجارة لا ليها سند شرعي ولا قانوني ، ورغم ذلك القانون مش بيحمي المشتري ولا البايع ...!!!
موضوع تاني في السوق عندنا ... أصحاب المحلات مستوليين علي الطريق محدش ملتزم بقوانين الغرفة التجارية ، وفي نفس الوقت الغرفة التجارية لا حياة لمن تنادي ، لا تحرك ساكنا ولا تسكن متحركا ، الحالة الغالبة هي أنهم بيتفرجوا علي اللي بيحصل ويكانه لا يعنيهم الأمر ....!!!
موضوع تالت ...الكلب اللي طلع تريند وحكايته بقت حكاية والناس كلها بتتكلم عنه قال ايه طلع فوق الهرم ، طب ايه اللي حصل هوة في الاخر كلب ، وشعب هايف ، مش عارف ايه اللي بيعملوه ده يعني ، خلاص مفيش اي مشاكل ومفيش حاجة تشغلهم غير الكلب ، دا احنا حتي بنكلوا الكلاب ...!!!
مقتل السنوار وده موضوع كبير ، ناس فرحانة في موته وناس زعلانة عليه ومحدش عارف حاجة ...!!!
احنا من الآخر كدة محدش عارف حاجة ...؟؟؟
تصبحوا علي خير
تعليقات
إرسال تعليق